ہماری مسجد میں امام صاحب مفتی ، عالم ہیں، پانچ نمازوں کی امامت کے لیے ان کا تقرر ہوا ہے، باوجود امام ہونے کے مختلف ٹی،وی چینلز میں آتے ہیں اگر چہ یہ پروگرام مذہبی اور اسلامی نظریات کے ہوتے ہیں، یہ بات ملحوظ رہے کہ ٹی، وی پروگرام ریکارڈ کرانے کے لیے بہت سارے لوازمات کا اہتمام کیا جاتا ہے ، مثلاً میک اپ وغیرہ، مستند فتویٰ کے ساتھ مشورہ دیں کہ ہم اس امام کے پیچھے نماز پڑھ سکتے ہیں یا ہماری نمازیں مشکوک اور مکروہ ہیں؟
ٹی، وی پر آنا، اور بغیر شدید ضرورت کے تصویر یا مووی بنوانا شرعاً ناجائز ہے ، اور مستقل اس عمل کا ارتکاب باعث فسق ہے، اس لیے ایسے آدمی کو مستقل امام بنانا مکروہ ہے۔ فقط واللہ اعلم
فتوی نمبر : 143101200074
دارالافتاء : جامعہ علوم اسلامیہ علامہ محمد یوسف بنوری ٹاؤن