کیا تلسی کا پودا گھر میں رکھنا چاہیے، جب کہ ہندو لوگ اس کی بہت تعظیم کرتے ہیں اور اس کو مقدس تلسی بھی کہتے ہیں؟
بصورتِ مسئولہ اگر مسلمان کی نیت تلسی کے پودے کے گھر میں رکھنے سے اس کی تعظیم یا تقدیس نہ ہو اور نہ کوئی باطل نظریہ ہو ، بلکہ عام پودوں کی طرح ایک پودے کی حیثیت سے رکھنا چاہے تو شرعًا اس میں کوئی حرج نہیں ، ہندؤوں کے اس کو مقدس سمجھنے یا تعظیم کرنے کی وجہ سے اس کے گھر میں رکھنے کو ناجائز نہیں کہا جائے گا۔
"واعلم أن الأصل في الأشياء كلها سوى الفروج الإباحة قال الله تعالى: ﴿هو الذي خلق لكم ما في الأرض جميعا﴾ وقال: ﴿كلوا مما في الأرض حلالا طيبا﴾ وإنما تثبت الحرمة بعارض نص مطلق أو خبر مروي، فما لم يوجد شيء من الدلائل المحرمة فهي على الإباحة."
(مجمع الأنهر في شرح ملتقى الأبحر: کتاب الاشربة(4 /244)، ط. مکتبة المنار،کوئته)
فقط واللہ اعلم
فتوی نمبر : 144211200614
دارالافتاء : جامعہ علوم اسلامیہ علامہ محمد یوسف بنوری ٹاؤن
