سوال

کیا مدرسہ کے امدادی طلباء کو جو سبق صحیح سنائیں ،ان کو زکوۃ کے پیسے دیے جا سکتے ہیں؟

جواب

واضح رہے کہ کسی بھی مسلمان غریب مسکین کو  جو صاحب نصاب نہ ہو ،  زکوۃ کی نیت سے رقم دینے کی صورت میں زکوۃ ادا ہوجاتی ہے، لہذا صورتِ  مسئولہ میں مدارس کے  مستحق زکوۃ   طلبہ کو  انعام  کے عنوان سے  دی جانے والی رقم ان کی اچھی کارکردگی کا عوض  یا اجرت نہیں بلکہ  یہ حوصلہ افزائی کے لیے  بطور احسان اور تبرع دی جاتی ہے،لہذا   ان   طلبہ کےاچھا سبق  سنانے پر ان کو انعام کے نام پر  زکوۃ کی نیت سے رقم  دینا جائز ہے، اور اس طرح  زکوۃ ادا   ہوجاتی ہے۔ 

درر الحكام شرح غرر الاحكام میں ہے:

"من ‌أعطى ‌مسكينا ‌دراهم وسماها هبة أو قرضا ونوى الزكاة، فإنها تجزئه اهـ."

(كتاب الزكاة، شروط وجوب الزكاة، 174/1، ط: دار إحياء الكتب العربية)

البحر الرائق میں ہے:

"من ‌أعطى ‌مسكينا ‌دراهم وسماها هبة أو قرضا ونوى الزكاة فإنها تجزئه."

(کتاب الزكاة، شروط أداء الزكاة، 228/2، ط:دار الكتاب الإسلامي)

مجمع الانہر میں ہے:

"من ‌أعطى ‌مسكينا ‌دراهم وسماها هبة أو قرضا ونوى الزكاة فإنها تجزيه لأن العبرة لنية الدافع لا لعلم المدفوع إليه إلا على قول أبي جعفر."

(کتاب الزكاة، شرط صحة أداء الزكاة، 196/1، ط: دار إحياء التراث العربي)

فقط واللہ اعلم