ٹریڈ مارک اور کاروبار کا نام جو کہ رجسٹرڈ کرواۓ جاتے ہیں اور رجسٹریشن فیس بھی دی جاتی ہے اور پھر اس نام کے مالک بن جاتے ہیں کیا اس نام اور ٹریڈ مارک کو بیچنا یا خریدنا جائز ہے یا نہیں؟
صورتِ مسئولہ میں تجارتی علامت یا ٹریڈ مارک کی خرید و فروخت کرنا جائز نہیں ہے ، تاہم اگر کارخانہ یا مصنوعات کے ساتھ قیمت بڑھا کر فروخت کردے تو جائز ہوگا۔
فتاوی شامی میں ہے:
"وفي الأشباه لا يجوز الاعتياض عن الحقوق المجردة كحق الشفعة وعلى هذا لا يجوز الاعتياض عن الوظائف بالأوقاف، وفيها في آخر بحث تعارض العرف مع اللغة. المذهب عدم اعتبار العرف الخاص لكن أفتى كثير باعتباره وعليه فيفتى بجواز النزول عن الوظائف بمال."
(کتاب البیوع جلد ۴ ص: ۵۱۸ ، ۵۱۹ ط: دارالفکر)
فقط و اللہ اعلم
فتوی نمبر : 144403101442
دارالافتاء : جامعہ علوم اسلامیہ علامہ محمد یوسف بنوری ٹاؤن