اگر کسی نے تلاوتِ قرآن کرنے والے کو سلام کیا اور جو قرآن کی تلاوت کررہا تھا کیا اس پر جواب واجب ہوگیا؟
صورت مسئولہ میں سلام میں پہل کرنا سنت ہے اور سلام کا جواب دینا واجب ہے، لیکن چند صورتوں میں سلام کا جواب دینا واجب نہیں، ان میں سے ایک صورت قرآن مجید کی تلاوت بھی ہے، لہذا اگو کوئی شخص تلاوتِ قرآن میں مشغول شخص کو سلام کرے تو اس پر سلام کا جواب دینا واجب نہیں ہوگا۔البتہ اگر تلاوت روک کر جواب دے تو جائز ہے۔
فتاوی شامی میں ہے:
"يكره السلام على العاجز عن الجواب حقيقة كالمشغول بالأكل أو الاستفراغ، أو شرعا كالمشغول بالصلاة وقراءة القرآن، ولو سلم لا يستحق الجواب اهـ."
(كتاب الصلاة، باب ما يفسد الصلاة وما يكره فيها: 1/ 617، ط: سعید)
فقط واللہ اعلم
فتوی نمبر : 144507100754
دارالافتاء : جامعہ علوم اسلامیہ علامہ محمد یوسف بنوری ٹاؤن