سوال

میں نےاپنےایک عزیزدوست سے فروری 2009ء میں ایک پلاٹ خریدا، پراپرٹی ڈیلرنےہمیں شام کےوقت پلاٹ دکھایا اورطےپایاکہ تمام واجبات جون 2009ءتک اداکردئیےجائینگے، میں نےپلاٹ کےتمام واجبات ادا کردئیےاورپلاٹ کی رقم کی 2009ء اور2010ء کی زکوٰۃ بھی ادا کردی، جولائی 2010 میں مجھے پتہ چلاکہ ڈیلرنےمجھےدھوکہ دیا ہےاورمذکورہ پلاٹ کسی اورکوبھی فروخت کیا ہے، ہم نےڈیلرسےمذاکرات کئے اورمشکل سےوہ راضی ہواکہ مجھےپلاٹ کی رقم واپس کرے۔اب سوال یہ ہےکہ میں پلاٹ کی رقم پرسن 2011ء کی زکوٰۃ ادا کروں یانہیں اس لیےکہ رقم تقریباً دوسال ڈیلرکےپاس رہی اوربغیرکسی نفع کےرقم اس نےمجھےواپس کی ؟

جواب

مذکورہ پلاٹ اگرتجارت کی نیت سےخریداتھا تواس کی مالیت پرزکوٰۃ واجب تھی اوراب پلاٹ کاسودامنسوخ ہونےکےبعدپلاٹ چونکہ سائل کی ملکیت میں نہیں رہااس لیےاب پلاٹ کی مالیت پرزکوٰۃ نہیں البتہ موجود رقم اگربقدرِنصاب ہواورسال اس پر گزرچکاہوتواس رقم پرزکوٰۃ واجب ہوگی۔