سوال

میں ٹریول ایجنٹ ہوں اور ہم نے کسٹمر کے کہنے پر جہاز اور ہوٹل کے ٹکٹ کرائے اور اب اس کرونا کی وجہ سے سب ختم ہوگیا،  اب ہم انتظار میں ہیں کہ پیسے مل جائیں تو کسٹمر کو واپس کر دیں ۔ سوال یہ پوچھنا ہے کہ جو کمیشن ہم نے ٹکٹ بیچنے میں رکھا تھا، وہ رکھ سکتے ہیں یا پوری رقم واپس کرنی ہوگی؟

جواب

صورتِ مسئولہ میں اگر آپ نے ہوائی جہاز کی کمپنی کے نمائندے کے طور پر اپنے کسٹمر کو ٹکٹ دلائی تھی تو اس ٹکٹ کی واپسی پر آپ کو اپنا کمیشن بھی واپس کرنا ہوگا، اور اگر ہوائی جہاز کمپنی کے نمائندہ کے طور پر آپ نے کسٹمر کو ٹکٹ نہیں دلائی تھی، بلکہ آپ نے کسٹمر کی طرف سے ہوائی جہاز کمپنی سے ٹکٹ خریدا تھا تو اس صورت میں آپ اپنے عمل کی اجرت کے مستحق ہیں اور وہ کمیشن آپ پر لوٹانا لازم نہیں ہے۔ فقط واللہ اعلم