سوال

عشر نکالتے وقت تھریشر کا خرچہ منہا کیا جائے گا یا نہیں؟

جواب

عشر نکالتے وقت تھریشر کا خرچہ منہا  نہیں کیا جائے گا ، بلکہ عشر کل پیداوار پر آئے گا؛ اس لیے کہ             وہ اخراجات جو  زمین کو کاشت کے قابل بنانے سے لےکر پیداوار حاصل ہونے اور اس کو سنبھالنے تک ہوتے ہیں  یعنی وہ اخراجات جو زراعت کے امور میں سے ہوتے ہیں،  مثلاً زمین کو ہم وار کرنے، ٹریکٹر چلانے، مزدور کی اجرت وغیرہ ، یہ اخراجات عشر ادا کرنے سے پہلے منہا نہیں کیے جا تے، بلکہ عشر  یا نصفِ عشر  اخراجات نکالنے سے پہلے  پوری پیداوار سے ادا کیا جائے گا۔

الفتاویٰ التاتارخانیہ میں ہے:

"إذا كانت الأرض عشريةً فأخرجت طعاماً وفي حملها إلى الموضع الذي يعشر فيه مؤنة فإنه يحمله إليه ويكون المؤنة منه".

 (3/292 ،  الفصل السادس  فی التصرفات فیما یخرج من الارض، کتاب العشر، ط:  زکریا)

فقط واللہ اعلم