سوال

 کہ زید نے شراب کے نشے میں اپنی بیوی سے جھگڑا کیا اور تین مرتبہ یہ الفاظ کہے طلاق طلاق طلاق موقع پر موجود گھر والے بھی اس کے گواہ ہیں تو اس صورت میں طلاق ہوئی کہ نہیں اور ہوئی تو کونسی طلاق ہوئی زید اور ہندہ دوبارہ ایک ساتھ رہنا چاہیں تو کیا صورت ہوگی قرآن و حدیث کی روشنی میں فتویٰ دیجیۓ۔

جواب

صورت مسئولہ میں مسمی زید نے جب اپنی بیوی کوتین طلاقیں ان الفاظ کےساتھ  دیں  کہ "طلاق  ، طلاق ، طلاق " تواس  کی بیوی پرتینوں طلاقیں واقع ہوگئی ہیں نکاح ختم ہوگیاہے ، بیوی حرمت مغلظہ کےساتھ شوہر پرحرام ہوگئی ہے، اب رجوع جائز نہیں ہے ۔البته اگر مطلقہ عدت گزارنے کے بعد کسی دوسری جگہ نکاح کرلےاور وہاں حقوق زوجیت ادا ہونےکےبعددوسرےشوہر کا انتقال ہوجائےیادوسرا شوہر خود  طلاق دے دےیا مطلقہ خود طلاق لے لےتو  عدت گزارکردوبارہ پہلے شوہر سے نکاح ہوسکتا ہے۔

            فتاوی عالمگیری میں ہے :

"و إن كان الطلاق ثلاثا في الحرة و ثنتين في الأمة لم تحل له حتى تنكح زوجا غيره نكاحا صحيحا و يدخل بها ثم يطلقها أو يموت عنها، كذا في الهداية·"

(الفتاوى الهندية، كتاب الطلاق، ۱/ ۴۷۳ ط:رشیدیه) 

فقط واللہ اعلم