تعزیہ کیا ہے اور اس کی شرعی حیثیت کیا ہے؟
شیعہ لوگ حضرت حسین رضی اللہ عنہ اور دیگر شہداء کربلا کا غم منانے اور ماتم کرنے کے دوران ان شہداء کی قبور، مزارات ، تابوت وغیرہ کی تصاویر اور شبیہ بناتے ہیں اور علم و دُلدُل نکالتے ہیں اس سب کو ’’تعزیہ‘‘ کہا جاتا ہے، ’’تعزیہ‘‘ کا شرعی حکم یہ ہے کہ ’’تعزیہ‘‘ بہت سارے غیر شرعی اور ناجائز امور (مثلًا ماتم، مار پیٹ،خود کو اذیت دینا،بال نوچنا، صحابہ کرام رضوان اللہ علیہم اجمعین پر تبرا بازی کرنا،شہداء کی قبور اور دیگر متعلقات کی شبیہ بناکر اس کے سامنے سجدے کرنا اور اس کی غیر شرعی تعظیم کرنا، وغیرہ) پر مشتمل ہونے کی وجہ سے ناجائز اور حرام ہے۔ فقط واللہ اعلم
فتوی نمبر : 144202201397
دارالافتاء : جامعہ علوم اسلامیہ علامہ محمد یوسف بنوری ٹاؤن