سوال

16-1-2009 میری تاریخ پیدائش ہے، میرا نام میری تاریخ پیدائش سے مطابقت رکھتاہےیا نہیں؟

جواب

واضح رہےکہ حروف نکال کربچے کے نام کے حروف کے اعداد اور تاریخ پیدائش کے اعداد کو آپس میں ملاکر نام رکھنے کا طریقہ از رُوئے شرع درست نہیں ہے، نام تجویز کرنے کا صحیح اسلامی طریقہ یہ ہے کہ  اچھے نام ہوں مثلا انبیاء کرام علیہ السلام یا صحابہ کرام رضوان اللہ علیہ اجمعین یا صلحاء کے ناموں میں سے کسی کے نام پر  رکھا جائے جو افضل ہونے کے ساتھ ساتھ باعثِ  برکت بھی ہے، یا کوئی بھی معلوم المعنی، مناسب نام رکھاجائے، لہذا تاریخِ پیدائش کے اعتبار سے نام کی مطابقت تلاش کرنا درست نہیں ہے، اور نہ ہی یہ کام دارالافتاء میں ہوتا ہے۔

فتاویٰ شامی (حاشية ابن عابدين ) میں ہے:

"التسمية باسم لم يذكره الله تعالى في عبادة ولا ذكره رسوله - صلى الله عليه وسلم - ولا يستعمله المسلمون تكلموا فيه، والأولى أن لا يفعل".

(كتاب الحظر والإباحة، باب الاستبراء، ج:6، ص:417، ط:ایچ ایم سعید)

فقط واللہ اعلم