نماز تراویح میں آیت سجدہ تلاوت کی اور سجدہ تلاوت بھی کرلیا، اس کے بعد کچھ شک ہوا جس کی وجہ سے آیتِ سجدہ مکرر پڑھنی پڑی تو کیا اس صورت میں دوبارہ سجدہ تلاوت ضروری ہے یا ایک ہی کافی ہے؟
صورتِ مسئولہ میں ایک ہی سجدہ تلاوت کافی ہے۔
بہشتی زیور میں ہے :
’’اگر نماز میں سجدہ کی ایک ہی آیت کو کئی دفعہ پڑھے، تب بھی ایک ہی سجدہ واجب ہے چاہے سب دفعہ پڑھ کے اخیر میں سجدہ کرے یا ایک دفعہ پڑھ کے سجدہ کرلیا۔ پھر اسی رکعت یا دوسری رکعت میں وہی آیت پڑھے‘‘۔ (حصہ دوم، مسئلہ نمبر 23، سجدہ تلاوت کا بیان، ص ۱۰۳، ط :توصیف پبلیکیشنز) فقط واللہ اعلم
فتوی نمبر : 144109202628
دارالافتاء : جامعہ علوم اسلامیہ علامہ محمد یوسف بنوری ٹاؤن