سوال

1- کیا رمضان میں پڑھی جانے والی تراویح کی قضاء ہے؟ 2- جماعت کے ساتھ نماز پڑھنے کے دوران ذہن میں جو خیالات آتے ہیں ان سے بچنے کے لیے نماز کے دوران کیا ہم دل میں دعا کرسکتے ہیں؟

جواب

1- تراویح کا وقت عشاء سے لے کر صبح صادق سے پہلے تک ہے، اگر اس دوران تراویح نہیں پڑھی تو بعد میں اس کی قضاء نہیں۔ 2- خیالات آنے کا اصل علاج یہ ہے کہ ان کی طرف التفات ہی نہ کیا جائے، بلکہ نماز کی طرف توجہ رکھی جائے۔ نیز نماز میں از خود خیالات کا لانا برا ہے، بغیر اختیار کے ان کا آجانا برا نہیں، اگر خیالات آئیں تو آپ نماز کی طرف متوجہ رہنے کی کوشش کریں اور نماز کی سورتوں اور دعاؤں پردھیان جمانے کی کوشش کریں۔