میں پیشہ کے لحاظ سے کالج ٹیچر ہوں، میرا سوال بینک کے حوالے سے ہے کہ کون سے بینک کو تنخواہ کی منتقلی کے لیے چننا ٹھیک ہو گا ؟جس کی بینکاری سود سے پاک ہو،رہنمائی فرما ئیے۔
واضح رہے کہ تمام بینک چاہے وہ سودی ہوں یا مروجہ اسلامی بینک ہوں ،ان کے معاملات سود سے خالی نہیں ہیں،لہذا ان کے ساتھ معاملات سے احتراز کرنا چاہیے اور اگر کبھی رقم وغیرہ رکھنے کی ضرورت ہوتوایسے اکاؤنٹ استعمال کرنے چاہییں ،جن میں سودی منافع نہ ملتا ہو جیسے کرنٹ اکاؤنٹ اور لاکرز۔
لہذا صورتِ مسئولہ میں آپ اپنی سہولت کے مطابق کسی بھی بینک کے کرنٹ اکاؤنٹ کو اپنی تنخواہ کی منتقلی کے لیے منتخب کرسکتے ہیں۔
فقط واللہ اعلم
فتوی نمبر : 144312100293
دارالافتاء : جامعہ علوم اسلامیہ علامہ محمد یوسف بنوری ٹاؤن