کیا تمباکو کھاکر بیت الخلاء جا سکتے ہیں؟
اگر سائل کی مراد بیت الخلاء کے اندر تمباکو کھانے یا تمباکو منہ میں رکھ کر بیت الخلاء میں جانے سے متعلق سوال کرنا ہے تو اس کا حکم یہ ہے کہ بیت الخلاء میں تمباکو یا کوئی بھی چیز کھانا، پینا خلافِ اولیٰ و خلافِ ادب ہے، اس سے اجتناب کرنا چاہیے، اور اگر تمباکو کھانے کے بعد بیت الخلاء جانے سے متعلق سوال کرنا مقصود ہے تو اس کا حکم یہ ہے کہ تمباکو کھانے کے بعد بیت الخلاء جانا جائز ہے، اس میں کوئی حرج نہیں ہے۔
شرح البخاری للسفیری میں ہے:
"ومن آدابه أن لا يأكل ولا يشرب في الخلاء، كما قاله القاضي زكريا عن المحب الطبري."
(المجلس الثاني الأربعون في آداب الخلاء و مستحباته، ج:2، ص:322، ط:دار الكتب العلمية)
فقط والله اعلم
فتوی نمبر : 144404101129
دارالافتاء : جامعہ علوم اسلامیہ علامہ محمد یوسف بنوری ٹاؤن