سوال

عام طور سے فقہ حنفی میں طلاق کی تین قسمیں بیان کی جاتی ہیں جس میں سے ایک کا نام طلاق السنة ہے تو اس قسم کی وجہ اور اس کو سنت کہنے کی وجہ کیا ہے؟

جواب

طلاق کی تین قسمیں بیان کی جاتی ہیں جن میں سے ایک طلاق سنت بھی کہلاتی ہے، علامہ آلوسی رحمہ اللہ روح المعانی میں فرماتے ہیں کہ  طلاق سنت پر طلاق سنت کا اطلاق اس حیثیت سے نہیں کہ اس طریقہ سے طلاق دینا پسندیدہ اور قابل ثواب ہے بلکہ اس کو سنت کہنا اس اعتبار سے ہے کہ یہ طریقہ بھی شریعت میں جائز ہےاور ایسا کرنا مستوجب عقاب نہیں۔

روح المعانی میں ہے:

 إنما السنة أن تستقبل الطهر إستقبالا فتطلقها لكل قرء تطليقة فإنه لم يرد صلى الله تعالى عليه وسلم من السنة أنه يستعقب الثواب لكونه أمرا مباحا في نفسه لا مندوبا بل كونه من الطريقة المسلوكة في الدين أعني ما لا يستوجب عقابا۔

(جلد ۲ ص:۱۳۶، ط: دار احیاء التراث العربی)

فقط واللہ اعلم