میں نے غصہ میں اپنی بیگم کے ماموں سے کہا کہ اگر یہ ایسے کرتے رہے، قسم کھا کے کہتا ہوں: طلاق دے دوں گا۔ اب میرا مسئلہ ہے کہ طلاق واقع ہوگی یا نہیں؟
اگر آپ نے اپنی اہلیہ کے ماموں سے واقعتًا یہ ہی الفاظ کہے تھے کہ اگر یہ ایسا کرتے رہے تو قسم کھا کر کہتا ہوں: اس کو طلاق دے دوں گا، تو آپ کی بیوی پر ان الفاظ سے کوئی طلاق واقع نہیں ہوئی؛ کیوں کہ ان الفاظ میں طلاق کی دھمکی ہے، نہ کہ طلاق دینا۔ فقط واللہ اعلم
فتوی نمبر : 144112200899
دارالافتاء : جامعہ علوم اسلامیہ علامہ محمد یوسف بنوری ٹاؤن