سوال

ایک  مرد نے  اپنی بیوی سے صرف اتنا کہا کہ "میں نے طلاق ،میں نے طلاق" اس سے زیادہ کچھ نہیں بولا یعنی جملہ مکمل نہیں کیا تو کیا طلاق واقع ہو گئی؟

جواب

صورتِ مسئولہ میں اگر واقعتًا  مذکورہ شخص نے  صرف اتنا جملہ کہا ہو کہ  "میں نے طلاق ، میں نے طلاق" اور جملہ مکمل نہ کیا ہو تو ان الفاظ سے کوئی طلاق واقع نہ ہو گی؛ کیوں کہ مذکورہ جملہ ایک نامکمل جملہ ہے، تاہم طلاق یا اس کے ہم معنٰی الفاظ استعمال کرنے میں بہت احتیاط کی ضرورت ہے۔

بدائع الصنائع في ترتيب الشرائع (3/ 141):

"ومنها الإضافة إلى المرأة في صريح الطلاق حتى لو أضاف الزوج صريح الطلاق إلى نفسه بأن قال: أنا منك طالق، لايقع الطلاق وإن نوى."

فقط واللہ اعلم