طلاق یا خلع کے بعد لڑکی کے ماں باپ کی طرف سے لڑکی کو دیا گیا جہیز اور زیورات کے حق دار لڑکی کے ماں باپ ہوں گے یا وہی نافرمان مطلقہ یا خلع یافتہ لڑکی ہوگی؟
صورتِ مسئولہ میں نکاح کے موقع پر لڑکی کے ماں باپ کی طرف سے لڑکی کو دیا گیا جہیز اور زیورات کی مالک لڑکی ہی ہے، نکاح کے باقی رہنے یا ختم ہونے سے، اسی طرح لڑکی کے فرمان بردار ہونے یا نہ ہونے سے اس حکم میں کوئی فرق نہیں آتا۔
فتاوی شامی میں ہے:
"(جهز ابنته بجهاز وسلمها ذلك ليس له الاسترداد منها ولا لورثته بعد أن سلمها ذلك وفي صحته) بل تختص به (وبه يفتى)".
(كتاب النكاح، باب المهر،ج:3،ص:155،ط:سعيد)
وفيہ ایضاً:
"فإن كل أحد يعلم أن الجهاز ملك المرأة وأنه إذا طلقها تأخذه كله، وإذا ماتت يورث عنها".
(كتاب النكاح، باب المهر،ج:3،ص:153،ط:سعيد)
فقط والله أعلم
فتوی نمبر : 144403101630
دارالافتاء : جامعہ علوم اسلامیہ علامہ محمد یوسف بنوری ٹاؤن