کیا لڑکے کا نام طہور رکھا جا سکتا ہے؟ خصوصاً جب کہ یہ نام خواب میں آیا ہو کہ جب میرے گھر لڑکا ہوگا تو اس کا نام طہور رکھوں؟
’’ طَہُور‘‘(ط کے زبر کے ساتھ) ایسی پاک اور صاف چیز کو کہاجاتا ہےجس میں دوسروں کو بھی پاک صاف کرنے کی صلاحیت ہو،اور یہ عیوب اور گناہوں سے پاک صاف ہونے سےبھی کنایہ ہے،لہٰذابصورتِ مسئولہ لڑکے کا نام ’’طَہُوْر‘‘ رکھنادرست ہے،تاہم خواب کی وجہ سے مذکورہ نام رکھنا لازم نہیں۔
تاج العروس میں ہے:
"(والطهور) ، بالفتح (المصدر) ، فيما حكى سيبويه من قولهم: تطهرت طهورا، وتوضأت وضوءا، ومثله: وقدت وقودا (و) قد يكون الطهور: (اسم ما يتطهر به)،كالفطور والسحور والوجور، والسعوط ... (أو) الطهور: هو (الطاهر) في نفسه (المطهر) لغيره ... الطهور في اللغة هو الطاهر المطهر؛ لأنه لا يكون طهورا إلا وهو يتطهر به."
(ص:٤٤٦،ج:١٢،فصل الطاء المهملة مع الراء،ط:دار إحياء التراث)
القاموس المحيط میں ہے:
"والطهور: المصدر، واسم ما يتطهر به، أو الطاهر المطهر."
(ص:٤٣٢،باب الراء،فصل الطاء،ط:مؤسسة الرسالة)
لسان العربمیں ہے:
"والطهر: نقيض الحيض، والمرأة طاهر من الحيض وطاهرة من النجاسة ومن العيوب، ورجل طاهر ورجال طاهرون ونساء طاهرات."
(ص:٥٠٤،ج:٤،حرف الراء،فصل الطاء المهملة،ط:دار صادر)
فقط والله أعلم
فتوی نمبر : 144506102603
دارالافتاء : جامعہ علوم اسلامیہ علامہ محمد یوسف بنوری ٹاؤن