سوال

تحیة الوضو کی نیت  کیا ہوگی؟

جواب

وضو کرنے کے بعد جسم خشک ہونے سے پہلے دو رکعت نماز پڑھنا مستحب ہے، اس نماز کو "تحیۃ الوضو" کی نماز کہتے ہیں، اور اگر کوئی شخص وضو کرنے کے بعد کوئی فرض یا سنت وغیرہ پڑھ لے تب بھی کافی ہے، تحیۃ الوضو کا ثواب مل جائے گا  اور مستقل تحیۃ الوضو کی نیت سے بھی ادا کی جاسکتی ہے  کہ دو رکعت تحیۃ الوضو  کی پڑھتا ہوں، دل میں یہ نیت بھی کافی ہے ، زبان سے ادائیگی ضروری نہیں۔

الدر المختار شرح تنوير الأبصار(2 / 22):

 "( وندب ركعتان بعد الوضوء ) يعني قبل الجفاف كما في الشرنبلالية عن المواهب".

حاشية الطحطاوي (1 / 261):

"وفي شرح المشكاة من كتاب الطهارة: لو صلى عقب الوضوء فريضة حصلت له هذه الفضيلة كما تحصل تحية المسجد بذلك اه".

 فقط واللہ اعلم