سوال

مجھے غصہ بہت آتا ہے کوئی غلط بات برداشت نہیں کرپاتی،  سب  سے  لڑائی ہوتی ہے،  زبان بہت خراب استعمال کرجاتی ہوں غصے  میں۔ مہربانی فرما کر  کوئی دعا بتادیں، جس سے میں اپنی زبان اور غصے  پر قابو پاسکوں۔ رشتے ٹوٹ رہے ہیں،  میں رشتے جوڑنا اور نباہنا چاہتی ہوں، میرے حق میں دعا بھی کردیں!

جواب

نبی اکرم ﷺ کی سیرت اور صفات کا مطالعہ کرنا چاہیے اور یہ کہ اللہ تعالیٰ نے ہمیں نبی اکرم ﷺ کی سیرت اپنانے کا حکم دیا ہے اور بدزبانی کے خطرناک انجام کو سوچنا چاہیے اور غصہ آئے تو  ’’أَعُوْذُ بِاللّٰهِ مِنَ الشَّیْطَانِ الرَّجِیْمِ‘‘ پڑھتی رہیں اور وضو کرلیا کریں اور حالت بدل دیا کریں۔ اللہ تعالیٰ نیک اخلاق نصیب فرمائے۔ فقط واللہ اعلم