سوال

ذہن تیز کرنے کے لیے کوئی جامع وظیفہ بتائیں،  میں درجہ اولیٰ کا طالب علم ہوں،  اسباق صحیح طرح یاد نہیں ہوتے۔

جواب

جن گناہوں کا چھوڑنا آپ کے اختیار میں ہے ان گناہوں کو آپ چھوڑ دیں، اور جن عبادات میں آپ سے کوتاہی ہو رہی ہے آپ ہمت کرکے ان عبادات کو پابندی سے بجا لائیں، اپنے اساتذہ کی خدمت کو اپنے اوپر لازم کریں، اساتذہ اور والدین سے خوب دعائیں لیں۔ اور روزانہ دو رکعت صلاۃ الحاجت پڑھیں اور صلاۃ الحاجت کے سجدے میں {رَبِّ زِدْنِيْ عِلْمًا} تین مرتبہ پڑھ لیا کریں۔ ان شاء اللہ اللہ تعالیٰ علم نافع عمل صالح عطا فرمائیں گے۔ 

نیز جب بھی کچھ یاد کرنے لگیں اول و آخر تین تین مرتبہ درود شریف پڑھ کر درج ذیل دعائیں تین تین مرتبہ پڑھیں:

1- " اَللّٰهُمَّ اجْعَلْنِيْ مِنَ الَّذِيْنَ يَنْظُرُوْنَ الْكِتَابَ نَظْرَةً وَّاحِدَةً فَيَحْفَظُوْنَ مَا فِيْهِ".

2- اَللّٰهُمَّ بَارِكْ لِيْ فِيْ وَقْتِيْ، اَللّٰهُمَّ بَارِكْ لِيْ فِيْ حِفْظِيْ.

فقط واللہ اعلم