سوال

میں اکثر اوقات خواب میں سمندر میں اپنے آپ کو دیکھتا ہوں بڑے بڑے سمندری جہازوں میں اپنے آپ کو سوار دیکھتا ہوں۔ ایک روز دیکھا کہ میرے پاس چھوٹی چھوٹی مچھلیاں ہیں کوئی مجھے بول رہا ہے انہیں سمندر میں آزاد کردو۔ کل پھر میں نے اپنے اپنے آپ کو سمندر میں سوار دیکھا ہے۔ میرے مالی حالات بہت اچھے تو نہیں پر اللّٰہ کا کرم ہے اچھا گزاراہورہا ہے۔ مجھے یہ معلوم کرنا ہے کہ میں ایسا بار بار کیوں سمندر اور جہاز کیوں دیکھتا ہوں؟

جواب

سمندر اور اس میں چھوٹی مچھلیاں دیکھنا کاروبار کے نقصان کی دلیل ہے۔ آپ کو چاہیے کہ کسی ماہر کے مشورے سے آپ تجارت کریں اور اللہ کے نام پر نفع کے اندر فیصد مقرر کریں۔ مثلاً دل ہی دل میں (زبان سےالفاظ کہے بغیر)یوں طے کریں کہ اللہ اگر مجھے روز  ایک ہزار کا نفع دیں گے اس میں سے سو روپے اللہ کے نام پر دوں گا۔

پھر ان شاء اللہ کاروباری بندش کھل جائے گی۔ فقط واللہ اعلم