اگر کوئی شخص اپنے ملک سے دوسرے ملک کا سیاحت کا ویزہ لے کر جائے ،وہاں سیاحت کے بجائے مزدوری کرے ،تو کیا ایسی مزدوری کی کمائی جائز یا نہیں ؟
واضح رہے کہ سیاحتی ویزہ پر بیرونی ملک جا کر وہاں غیر قانونی طریقہ سے رہائش اختیار کرنا اور مزدوری کرنا قانونی طور پر منع اور جرم ہے ،اور اپنی عزت کو خطرے میں ڈالنا ہے ،جو کہ غلط ہے ،تاہم اگر حلال مزدوری اور نوکری کر رہا ہے تو اس کی کمائی حلال ہو گی اور اس کمائی کو اپنے لیے استعمال میں لانا اور خرچ کرنا جائز ہوگا ۔
کنز العمال میں ہے:
"عن علي رضي الله عنه قال: قال رسول الله صلى الله عليه وسلم: ليس للمسلم أن يذل نفسه، قالوا: يا رسول الله وكيف يذل نفسه؟ قال: يتعرض من البلاء لما لا يطيق۔"
(الکتاب فی الاخلاق ،ج:3،ص:802،ط:مؤسسۃ الرسالۃ )
فقط واللہ اعلم
فتوی نمبر : 144306100129
دارالافتاء : جامعہ علوم اسلامیہ علامہ محمد یوسف بنوری ٹاؤن