سوال

کیا سونا ادھار پر لینا جائز ہے؟ ہاف پیمنٹ  نقد  کردی جائے اور باقی آدھی رقم  قسطوں پر ہو، ریٹ وہی ہوتا ہے جو  نقد  خریدنے کی صورت میں ہوتا ہے۔

جواب

واضح رہے کہ سونا، چاندی ،نقدی اور دیگر اموالِ ربویہ    کی خرید و فروخت  کی صورت میں عاقدین (یعنی خریدنے اور فروخت کرنے والے) کا  مبیع اور ثمن(یعنی قیمت) پر مجلس میں قبضہ کرنا ضروری ہے، ادھار جائز نہیں ہے، لہذا صورتِ مسئولہ میں سونا ادھار پر خریدنا جائز نہیں ہے، اگر چہ قیمت وہی ہو جو نقد خریدنے کی صورت میں ہوتی ہے۔

بدائع الصنائع في ترتيب الشرائع میں ہے:

"وأما الشرائط (فمنها) قبض البدلين قبل الافتراق لقوله: - عليه الصلاة والسلام - في الحديث المشهور «والذهب بالذهب مثلا بمثل يدا بيد والفضة بالفضة مثلا بمثل يدا بيد  ... ثم بيع الجنس بالجنس وبخلاف الجنس كالذهب بالفضة سواء لا يختلفان في حكم القبض؛ لأن كل ذلك صرف فيشترط فيه التقابض۔"

(کتاب البیوع، فصل فی شرائط الصرف: 5 / 216، ط: سعید)

فقط و اللہ اعلم