میرا ایک بیٹا ہے اور میری بیوی کی وفات ہو گئی ہے، میں دوسری شادی کررہا ہوں، میری دوسری بیوی کی ایک بیٹی ہے، کیا میرے بیٹے اور میری بیوی کی بیٹی جو کہ دوسرے شوہر سے ہے ان کا نکاح ہو سکتا ہے؟
صورتِ مسئولہ میں سائل کے بیٹے کا اپنے والد کی دوسری بیوی کے پہلے شوہر کی بیٹی سے شادی کرنا جائز ہے۔
فتاوی شامی میں ہے:
"وأما بنت زوجة أبيه أو ابنه فحلال۔۔۔
(قوله: وأما بنت زوجة أبيه أو ابنه فحلال) وكذا بنت ابنها بحر. قال الخير الرملي: ولا تحرم بنت زوج الأم ولا أمه ولا أم زوجة الأب ولا بنتها ولا أم زوجة الابن ولا بنتها ولا زوجة الربيب ولا زوجة الراب."
(کتاب النکاح، فصل في المحرمات، 3/ 31، ط: سعید)
فقط واللہ اعلم
فتوی نمبر : 144310101003
دارالافتاء : جامعہ علوم اسلامیہ علامہ محمد یوسف بنوری ٹاؤن