سوال

سورۂ  ملک کی جو فضیلت رات کو  پڑھنے  کے تعلق سے احادیث میں آئی ہے،  (عذابِ قبر سے  حفاظت)  اگر کوئی شخص سنت اور   وتر   میں سورۂ   ملک پڑھ  لے تو کیا یہ فضیلت حاصل ہوگی ؟

جواب

سورۂ  ملک  پڑھنے  کی  فضیلت جو احادیث میں  وارد ہوئی ہے، اس  کے حصول کے  لیے تلاوت کی کوئی  مخصوص و متعین کیفیت بیان نہیں کی گئی ہے، بلکہ مطلق تلاوت کرنے والے کو مذکورہ فضیلت  پانے والا قرار دیا گیا ہے ، لہذا اگر کوئی شخص عشاء کی سنن و وتر میں سورہ ملک پڑھتا ہے تو  امید  ہے کہ وہ بھی مذکورہ فضیلت سے محروم نہ ہوگا۔  فقط واللہ اعلم