"رمضان المبارک کی 23ویں شب کو اکثر لوگ دوسورتوں کے پڑھنے کا اہتمام کرتے ہیں :سورہ عنکبوت اور سورہ روم" کیا ان کا پڑھنا خاص23رمضان المبارک کی شب ضروری ہے ؟اور قرآن و حدیث سے ثابت ہے؟
رمضان المبارک کی تئیسویں شب میں سورہ عنکبوت اور سورہ روم کے پڑھنے کا ذکر ہمیں کسی معتبر کتاب یا روایت میں نہیں ملا، اس لیے یہ تخصیص شرعاً ثابت نہیں ہے۔البتہ بعض شیعی روایات اور کتب میں ان سورتوں کے پڑھنے کا تذکرہ موجود ہے ، اور یہ روایات مستند نہیں ہیں ۔
"تراویح کے مسائل کا انسائیکلوپیڈیا"میں ہے :
"رمضان المبارک کی تئیسویں رات کو تراویح کے بعد خاص طور پر سورہ عنکبوت اور سورہ روم پڑھنا ثابت نہیں ہے، لہذا اگر کسی جگہ پر اس کا رواج ہے تو اس کو ترک کرنا ضروری ہے۔"
(ص:162بیت العمار)
فقط واللہ اعلم
فتوی نمبر : 144109202550
دارالافتاء : جامعہ علوم اسلامیہ علامہ محمد یوسف بنوری ٹاؤن