میں نے اپنے ایک دوست سے 10 لاکھ روپے کاروبار کے لیے لئےتھے انویسٹمنٹ کے طور پر اور یہ معاہدہ ہوا تھا کہ ہر مہینے پچاس ہزار دوں گا لیکن کاروبار نہ چلنے کی بنا پر انہیں پچاس ہزار ماہانہ نہیں دے سکا اسی وجہ سے انہیں مختلف اوقات میں مختلف اعتبار سے پیسے واپس دیتا رہا کبھی 35000  کبھی 40000 کبھی 25 ہزار روپے ۔اب وہ دوست 25000 روپے پر راضی ہو گیا ہے لیکن25000 روپے سے کم پر نہیں یعنی بیس ہزار نہیں لے رہا بلکہ ہر مہینے اسے پچیس ہزار روپے ہر حالت میں چاہیے ۔ہمیں آرڈر ملے یا نہ ملے اسی طرح کبھی کبھار پانچ مہینے کوئی آمدنی نہیں ہوتی لیکن انہیں پھر بھی 25000 حالت میں دینے ہوتے ہیں اسی طرح وہ شخص نقصان میں بھی شریک نہیں ہوگا اب سوال یہ ہے کہ اس طرح میرا ان کو رقم واپس کرنا سود کے حکم میں تو نہیں آتا؟

صورت مسؤلہ میں اگر آپ نے ان سے یہ معاہدہ کیا تھا کہ ہر حال میں ان کو ہر ماہ 50 ہزار روپے ادا کریں گے اور ان کی رقم محفوظ رہے گی تو مذکورہ معاہدہ سود کا ہے اور اس معاہدہ کرنے پر دونوں فریقین گناہگار ہیں ان پر لازم ہے کہ اللہ تعالیٰ سے معافی مانگیں اور  مذکورہ معاہدے کو توڑ دیں۔ آپ نے  اس معاہدے کی بنیاد پر ان سے پیسے لیے تھے وہ واپس کردیں اور جس قدر ادائیگی ان کو کی ہے وہ اس میں سے منہا کرلیں ۔ معاہدہ ختم کرکے رقم واپس کرنا آپ کی ذمہ داری ہے اور انویسٹمنٹ کرنے کا صحیح   طریقہ یہ ہے کہ مضاربت کے طور پر پیسے دیے جائیں اور نفع کے ساتھ ساتھ نقصان میں بھی انویسٹر شریک ہوں ہر ماہ  خاص 25 ہزارر   وپے کا مطالبہ کرنا شرعا درست نہیں  ۔البتہ انویسٹر جب چاہے اپنی بقیہ رقم کا تقاضا کر سکتا ہے۔

شرح المجلہ لسليم رستم باز میں ہے: