سوال

یو کے میں ایک شخص عبداللہ نے مورگیج کے تحت بینک سے مکان لیا ہے، جو کہ سودی لین دین پر مشتمل ہے، اب عبداللہ کو زید نے کہا کہ میں آپ کے ساتھ اس مکان کے کسی حصے میں رہوں گا اور کچھ رقم میں دوں گا، جس سے آپ کو قسط کی ادائیگی آسان ہوگی سوال یہ ہے کہ آیا زید کے لیے اس طرح کرنا جائز ہے یا نہیں؟

جواب

صورتِ مسئولہ میں عبداللہ کا سودی قرضہ لے کر گھر خریدنا جائز نہیں تھا، البتہ جب زید   عبداللہ کے ساتھ  رقم دے کر ایک حصے میں رہ رہا ہے، تو وہ رقم زید بطور کرایہ کے دے رہا ہے، لہٰذا زید کا اس مکان میں بطور کرایہ کے رہنا درست ہے۔

قرآن کریم میں ہے: 

وَأَحَلَّ اللَّهُ الْبَيْعَ وَحَرَّمَ الرِّبَا .[البقرة:275]

اعلاء السنن میں ہے:

"قال ابن المنذر: أجمعوا على أن المسلف إذا شرط على المستسلف زیادة أو هدیة  فأسلف على ذلك إن أخذ الزیادة علی ذلك ربا". 

(14/513، باب کل قرض جرّ منفعة، کتاب الحوالة، ط: إدارۃ القرآن)

فقط والله اعلم