بِسْمِ اللَّهِ الرَّحْمَنِ الرَّحِيم

18 رمضان 1445ھ 29 مارچ 2024 ء

دارالافتاء

 

سوتیلی والدہ کی پہلے شوہر سے ہونے والی اولاد سے نکاح


سوال

کیا کوئی شخص اپنے باپ کی دوسری بیوی کے پہلے شوہر سے پیدا لڑکی سے نکاح کرسکتا ہے؟ جب کہ وہ ماں باپ ابھی نکاح میں ہوں۔ یعنی اکبر کا بیٹا اسلم، اکبر کی دوسری بیوی سکینہ کی بیٹی سلیمہ سے نکاح کرسکتا ہے جب کہ اکبر اور سکینہ نکاح میں ہوں؟

جواب

صورتِ مسئولہ میں چوں کہ اسلم اور سلیمہ کے والدین جدا جدا ہیں، اس لیے دونوں کے درمیان حرمت کی کوئی وجہ موجود نہیں، اس لیے اسلم کا نکاح سلیمہ سے درست ہے۔ اگرچہ سلیمہ کی والدہ سکینہ اسلم کے والد اکبر کے نکاح میں ہے۔ فقط واللہ اعلم


فتوی نمبر : 144203200032

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں