سوال

جس شخص کے پاس تین تولہ سونا یا اس کے زیورات ہوں، کیا اس شخص پر اس کی زکوۃ واجب ہے؟ اس میں اعتبار قیمت کا ہوگا یا صرف سونے کا؟

جواب

اگر مذکورہ شخص کی ملکیت میں صرف اور صرف تین تولہ سونا ہی ہو، اس کے علاوہ چاندی یا نقدی یا مال تجارت میں سے کچھ بھی نہ ہو، تو سونا کا نصاب مکمل نہ ہونے کی وجہ سے اس پر زکوۃ واجب نہیں ہوگی۔زکوٰۃ کے اموال میں سے کوئی ایک پاس ہو یعنی صرف سونا یا صرف چاندی ملکیت میں ہوتو پھر مقدار کا اعتبار ہوتا ہے،قیمت کا نہیں۔ فقط واللہ أعلم بالصواب ۔