سوال

 اگر کسی عورت کا انتقال ہوجائے اس کا مال کس حساب سے تقسیم کیا جائے گا؟ اس کے (شرعی )  ورثاء میں شوہر، والدہ اور تین بیٹیاں موجود ہوں۔

2: جو مال کا حصہ والد کی وراثت سے مرحومہ بیٹی کو ملے تو اس مال میں سے اس کی زندہ والدہ کو حصہ واپس دیا جائےگا یا نہیں؟

جواب

1- صورتِ مسئولہ میں مرحومہ کی ملکیت میں جتنی بھی چیزیں تھیں وہ مرحومہ کا ترکہ شمار ہوں گے، اور مرحومہ کے شرعی ورثاء میں ان کے حصوں کے مطابق تقسیم کی جائیں گی، جس کا شرعی طریقہ یہ ہے کہ مرحومہ کے ذمہ کسی کا قرض ہو تو کل مال سے اس کی ادائیگی کے بعد، اگر مرحومہ نے کوئی جائز وصیت کی ہو تو اس سے ایک تہائی مال میں سے ادا کرنے کے بعد باقی ماندہ کل جائیداد/ ترکہ منقولہ وغیر منقولہ کو 39 حصوں میں تقسیم کر کے مرحومہ کے شوہر کو9 حصے اور مرحومہ کی والدہ کو 6 حصے اور مرحومہ کی ہر ایک بیٹی کو8 حصے ملیں گے۔

صورتِ تقسیم یہ ہے: 

مرحومہ12/ 13 /39

یعنی: سوروپے میں سے 23.077  روپے مرحومہ  کے شوہر کو، 15.38 روپے مرحومہ کی والدہ کو اور 20.51 روپے  مرحومہ کی ہر ایک بیٹئ کو ملیں گے۔

2- مرحومہ کو جووالد کی وراثت سے حصہ ملا ہےوہ اب مرحومہ کےانتقال کے بعد مرحومہ کی متروکہ اشیاء کے ساتھ مل کر مرحومہ کا ترکہ شمار ہو گا، اور مرحومہ کی والدہ سمیت دیگر تمام شرعی ورثاء میں مندرجہ بالا طریقے کے مطابق  تقسیم ہو گا ۔

حاشیة الطحطاوی علی مراقی الفلاح میں ہے:

"(وعلى الرجل تجهيز امرأته) أي تكفينها ودفنها عند أبي يوسف لو كانت معسرة وهذا التخصيص مختار صاحب المغني والمحيط والظهيرية اه . ويلزمه أبي يوسف بالتجهيز مطلقا أي ( ولو ) كان الزوج ( معسرا ) وهي موسرة (في الأصح) وعليه الفتوى وقال محمد ليس عليه تكفينها لانقطاع الزوجية من كل وجه".

(باب أحكام الجنائز ، ص: 225)

فقط واللہ اعلم