سوال

شوہر مہر ادا  کیے بغیر انتقال کرگئے تو  اس کی اولاد کا کیا حکم ہوگا؟ یعنی حلال ہوگی یا حرام؟

جواب

صورتِ مسئولہ میں اگر شوہر مہر ادا کیے بغیر انتقال کرجائے  تو اس سے اولاد کے نسب پر کوئی اثر نہیں پڑتا، اولاد کے ثابت النسب اور غیر ثابت النسب ہونے کا تعلق مہر کی ادائیگی یا عدم ادائیگی سے نہیں۔ البتہ شوہر نے  زندگی میں مہر ادا نہیں کیا اور نہ بیوی نے معاف کیا ہو تو پھر یہ مہر شوہر پر قرض شمار ہوگا اور تقسیم ترکہ سے پہلے یہ قرض ادا کیا جائے گا۔

الدر المختار میں ہے:

"ويتأكد (عند وطء أو خلوة صحت) من الزوج (أو موت أحدهما)."

(الدرالمختار مع رد المحتار، كتاب النكاح، باب المهر،102/3، سعيد)

فقط واللہ اعلم