سوال

اگر شوہر کو ہم بستری کی روز خواہش ہو تو بیوی منع کر سکتی ہے  ؟کیوں کہ شوہر کو  کم زوری ہو جاتی ہے  اور  بیوی کے سمجھا نے سے شوہر راضی ہو جائے تو بیوی اس حدیث کے مطابق لعنت کی مستحق تو نہیں ہو گی؟

جواب

صورتِ  مسئولہ میں مذکورہ بیوی حدیث میں وارد  وعید کا مصداق نہیں ہوگی؛ اس لیے کہ حدیث میں اس بیوی پر فرشتوں کی لعنت کا ذکر ہے جس کو شوہر بلائے اور وہ بغیر شرعی عذر کے منع کرے اور اس کے بدلہ میں شوہر اس پر غصہ ہو، جب کہ  مذکورہ صورت میں یہ شرائط نہیں پائی جارہی ہیں۔

مرقاة المفاتيح شرح مشكاة المصابيح (5 / 2121):

"(فأبت) : أي: امتنعت من غير عذر شرعي (فبات) : أي: زوجها (غضبان) : أي: عليها كما في رواية."

 فقط واللہ اعلم