سوال

شوہر کو برے  دوستوں سے  کیسے  بچایا جائے ؟

جواب

شریعت میں ازدواجی رشتے سے ایک اہم مقصود یہ بھی ہے کہ میاں بیوی دونوں نیک کاموں میں ایک دوسرے کے مددگار ہوں اور برے کاموں سے ایک دوسرے کو بچائیں، بسااوقات فریقین میں سے ایک نیک اور دوسرا فریق برائی میں مبتلا ہوتاہے، تو دوسرے فریق کو حکمت سے سمجھاناچاہیے، لہذا اگر شوہر برے کاموں یا بری صحبت میں مبتلا ہیں تو آپ انہیں حسنِ تدبیر ، اچھے اخلاق  اور نرمی سے سمجھانے کی کوشش کریں اور ساتھ اس کے لیے روزانہ دو رکعت صلاۃ الحاجت  پڑھ کر اللہ سے دعا بھی کرتی رہیں کہ  اللہ تعالیٰ اس کی اس بُری عادت کو ختم کردے،  اس سے زیادہ آپ کی ذمہ نہیں ہے، نیز اللہ والوں کی صحبت میں رہنے سے ایسے موذی امراض سے جلد خلاصی نصیب ہوتی ہے، اس لیے شوہر کو  اس کی ترغیب بھی دیں۔  فقط واللہ اعلم