سوال

اگر خاوند فوت ہو جائے اور عورت اس کے بعد اپنی اولاد کو کوجائیداد تقسیم نہ کرے اور فوت ہو جائے اور وہ جائیداد کسی ایک کے نام ہو اور وہ تقسیم نہ کرے تو کیا اس عورت کو عذاب ہوگا قبر میں؟

جواب

صورتِ مسئولہ میں اگر مذکورہ عورت کی زندگی میں اس کے شوہر کے ورثاء نے جائیداد کی تقسیم کا مطالبہ کیا تھا اور اس جائیداد کی تقسیم میں وہ عورت رکاوٹ بنی تو مذکورہ عورت گناہ گار ہے۔ نیز اگر جائیداد میں دوسروں کا حق ہے، لیکن ایک شخص صرف نام پر جائیداد ہونے کی وجہ سے انہیں ان کا حصہ نہیں دے رہا، تو وہ بھی گناہ گار ہے۔

لیکن اگر جائیداد مذکورہ عورت کے قبضے اور اختیار میں نہیں تھی  اور مطالبے پر اس نے تقسیم سے منع نہیں کیا، بلکہ رکاوٹ کسی اور کی طرف سے تھی یا قانونی رکاوٹ تھی تو وہ عورت گناہ گار نہیں ہوگی۔ بلکہ جو ناحق رکاوٹ بنے گا وہی گناہ گار ہوگا۔ فقط واللہ اعلم