نکاح کے وقت مہر زیادہ ہو اور رخصتی کے وقت دولہا کہے کہ مہر زیادہ ہے کم کرو تو کرسکتے ہیں ؟
مہر بیوی کا شرعی حق ہے، نکاح کے وقت مہر طے ہوجانے کے بعد بیوی اگر اپنی خوشی سے مہر میں کمی کرنا چاہے تو کرسکتی ہے اور چاہے تو پورا مہر معاف بھی کرسکتی ہے، لیکن اگر بیوی راضی نہ ہو تو ایک مرتبہ مہر طے ہوجانے کے بعد مرد کے لیے بیوی سے مہر کم کروانے یا معاف کروانے کا مطالبہ کرنا درست نہیں ہے، شوہر پر طے شدہ مہر ہی دینا لازم ہوگا۔
فتاوی ہندیہ میں ہے :
"وإن حطت عن مهرها صح الحط، كذا في الهداية. ولا بد في صحة حطها من الرضا حتى لو كانت مكرهة لم يصح ."
(کتاب النکاح،الباب السابع في المهر،الفصل السابع في الزيادة في المهر والحط عنه فيما يزيد وينقص،1/ 313،ط:دار الفکر)
فقط واللہ اعلم
فتوی نمبر : 144506100582
دارالافتاء : جامعہ علوم اسلامیہ علامہ محمد یوسف بنوری ٹاؤن