سوال

اگر شوہر کہے میں اب تم کو نہیں رکھوں گا،پیپر بھیجو سائن کردوں گااور دو سال تک کوئی رابطہ نہ ہوتو کیا طلاق ہوجاتی ہے؟

جواب

صورتِ مسئولہ میں اگر شوہر نے صرف یہ الفاظ کہے تھے کہ’’ میں اب تم کو نہیں رکھوں گا،پیپر بھیجو سائن کردوں گا‘‘ تو ان الفاظ سے کوئی طلاق واقع نہیں ہوئی ہے ،اگر چہ شوہر نے اس کے بعد دو سال یا مزید عرصہ تک بیوی سے کوئی رابطہ نہ کیا ہو،نکاح برقرار ہے ۔

العقود الدریۃ فی تنقیح الفتاوی الحامدیۃ:

"صيغة ‌المضارع لا يقع بها الطلاق إلا إذا غلب في الحال كما صرح به الكمال بن الهمام."

(کتاب الطلاق ،ج:1،ص:38،ط:دار المعرفۃ)

فقط واللہ اعلم