سوال

کیا شوہر اور بیوی ایک ہی صف میں کھڑے ہوں گے؟

جواب

جماعت سے نماز پڑھنے کی صورت میں بیوی شوہر کے ساتھ ایک ہی صف میں کھڑی نہیں ہوگی، بلکہ بیوی شوہر سے پیچھے کھڑی ہوگی، کیوں کہ جماعت کی نماز میں عورت کسی بھی ایسی صف میں کھڑی نہیں ہوگی جس صف میں کوئی مرد ہو، چاہے مرد شوہر ہو یا شوہر کے علاوہ کوئی اور ہو۔

اگر میاں بیوی دونوں اپنی الگ الگ نمازیں پڑھ رہے ہوں  تو دونوں ایک صف میں کھڑے ہوکر نماز پڑھ سکتے ہیں، البتہ جگہ میں وسعت ہو تو مرد کو اگلی صف میں کھڑا ہونا چاہیے۔ فقط واللہ اعلم