سوال

چمڑے کے موزوں کے اوپر اگر جاگر یا بوٹ پہنے ہوں تو ان ہی کے اوپر مسح ہو سکتا ہے؟

جواب

شریعتِ مطہرہ میں جن موزوں پر مسح کرنے کی اجازت دی گئی ہے ان موزوں کے اوصاف یہ ہیں:

* ٹخنوں سمیت پاؤں کو ڈھانپنے والے ہوں۔

* اُن میں کم از کم تین میل مسلسل چلا جاسکے۔

* بغیر رکاوٹ کے پاؤں پر رُکے رہیں۔

* اُن میں سے پاؤں تک پانی (چھن کر) نہ پہنچے۔

نیز  جوتوں میں بھی اگر یہ شرائط پائی جائیں تواِن پر بھی مسح کرنا جائز ہوگا، ورنہ نہیں۔

اب اگر کسی شخص نے  چمڑے کے ایسے موزے پہنے ہوئے ہیں جن میں مسح کرنے کی شرائط پائی جاتی ہیں  تو چوں کہ ان موزوں کے اوپر مسح کرنا جائز ہے، اس لیے اگر اس کے اوپر بوٹ پہنے ہوں تو بوٹ کے اوپر بھی مسح کرنا جائز ہو گا۔

المحیط البرهاني(۳۴۳/۱):

"وأما المسح علی الجوارب فلایخلو: إما ان کان الجوارب رقیقاً غیر منعل، وفي هذا الوجه لایجوز المسح بلا خلاف، وأما ان کان ثخیناً منعلاً ففي هذا الوجه یجوز المسح بلا خلاف، لأنه یمکن قطع السفر، وتتابع المشي علیه، فکان بمعنی الخف. والمراد من الثخین: أن یستمسك علی الساق من غیر أن یشد بشيءٍ، ولایسقط، فأما اذا کان لایستمسك ویسترخي، فهذا لیس بثخین، ولایجوز المسح علیه".

وفي الشامیة (۲۶۱/۱):

"(قوله: شرط مسحه) أي مسح الخف المفهوم من الخفین، وأل فیه للجنس الصادق بالواحد والإثنین، ولم یقل مسحهما لأنه قدیکون واحد الذي رجل واحدة (قوله: ثلاثة أمور الخ) زاد الشر نبلالي: لبسهما علی طهارة، وخلو کل منهما عن الخرق المانع، واستمساکهما علی الرجلین من غیرشد، ومنعهما وصول الماء إلی الرجل، وأن یبقی من القدم قدر ثلا ثة أصابع".

 فقط واللہ اعلم