سوال

شیخ عبدالقادر جیلانی کے والد کا سیب کھانا، جس شخص کا سیب کھایا اس نے اس کے بدلے اپنی بیٹی کا نکاح ان سے کرنے کو کہا۔اس واقعہ کی تحقیق مطلوب ہے؟

جواب

مذکورہ واقعہ تلاش بسیار کے باوجود معتبر کتب تاریخ میں نہ مل سکا۔البتہ  اردو کی کتابوں میں یہ واقعہ، مولانا ابو البیان محمد فاروقی نے اپنی کتاب "سیرت غوث اعظم" میں نقل کیا ہے، چونکہ یہ ایک تاریخی واقعہ ہے جس کا دین سے کوئی تعلق نہیں،  اور نہ ہی  اس میں کوئی ناممکن الوقوع بات ہے، لہذا اس کو مذکورہ کتاب کا نام لے کر بیان کرنے میں کوئی حرج نہیں۔

(سيرت غوث اعظم، ص: 29-31، ط: مكتبه سراجيه خانقاه احمديه، پاكستان)

فقط واللہ اعلم