شاذ کے مقابلے میں کون سی اصطلاح استعمال کی جاتی ہے؟
عام طور محدثین ، شاذ کے مقابلے میں محفوظ کی اصطلاح استعمال کرتے ہیں۔ حافظ ابن حجر رحمہ اللہ شرح نخبة الفکر میں لکھتے ہیں:
"(فإن خولف بأرجح ) منه ؛ لمزيد ضبط، أو كثرة عدد، أو غير ذلك من وجوه الترجيحات، (فالراجح) يقال له:( المحفوظ، ومُقابله)، و المرجوح، يقال له: (الشاذ)."
(نزهة النظر في توضيح نخبة الفكر، ص: ٤٥، مكتبة البشرى، ١٤٤٠ھ)
نظری طور پر یوں ہی لکھا ہے، البتہ تطبیق کے میدان میں محدثین کے ہاں ان اصطلاحوں کے استعمالات مختلف ہیں، جنہیں کثرتِ ممارست سے ہی سمجھا جا سکتا ہے، کسی قدر تفصیل کے لیے دیکھیے:" الوجیز في مصطلح الحدیث" از: مولانا محمد عبدالمالک، مطبوعہ مرکز الدعوة الإسلامیة ، ڈھاکہ۔
فقط واللہ اعلم
فتوی نمبر : 144311101316
دارالافتاء : جامعہ علوم اسلامیہ علامہ محمد یوسف بنوری ٹاؤن