سوال

شوال کے چھ روزے ہیں وہ کس دن سے رکھنا ضروری ہیں؟ یا کسی بھی ترتیب سے رکھے جا سکتے ہیں؟

جواب

واضح رہے کہ شوال کے چھ روزوں کی فضیلت احادیثِ مبارکہ میں آئی ہے، لیکن یہ روزے رکھنا ضروری نہیں ہے، بلکہ مستحب ہے، اور شوال کا مہینہ پورا ہونے سے پہلے پہلے چھ کی تعداد پوری کرلینے سے ان شاء اللہ فضیلت حاصل ہوجائے گی، چاہے چھ روزے متواتر ایک ساتھ رکھے جائیں یا پھر الگ الگ وقفہ سے رکھے جائیں، نیز شوال کی دوسری تاریخ سے روزے رکھنا ضروری نہیں ہے،  شوال کی  کسی بھی تاریخ سے شوال کے روزے رکھنا شروع کرسکتے ہیں۔   فقط واللہ اعلم