سوال

میں ملتان میں میں اپنے شوہر کے ساتھ رہتی ہوں،میں کراچی آئی ہوئی تھی،ایک دن میرے شوہر نے مجھے میسج کیا کہ ”آپ کو تین طلاق اگر آپ کل نہ آئی تو“اور میں اپنے شوہر کے پاس نہیں جاسکتی تھی،اب میں اپنے شوہر کے نکاح میں ہوں یا نہیں؟طلاق واقع ہوئی یا نہیں؟اِس دوران میری اپنے شوہر سے لڑائی تھی۔

وضاحت :شوہر نے موبائل بھی توڑ دیا تھا ،بعد میں وقت اور تاریخ کا پتہ چلا کہ طلاق کے میسج کی تاریخ  25 / 1 / 2015 اور وقت  شام کے چار بج کر سینتالیس منٹ۔

جواب

صورتِ مسئولہ میں چوں کہ سائلہ اپنے شوہر کے پاس مذکورہ شرط کے مطابق آئندہ کل تک نہیں جا سکی ،لہذا   شرط پوری ہونے کی وجہ سے سائلہ پر تینوں طلاقیں واقع ہو چکی ہیں،نکاح ختم ہو گیا، اب رجوع جائز نہیں ، اور دوبارہ نکاح بھی نہیں ہو سکتا،مطلقہ اپنی عدت(پوری تین ماہواریاں اگر حاملہ نہ ہو،اگر حاملہ ہو تو وضع حمل تک )گزار کر دوسری جگہ نکاح کر سکتی ہے۔

فتاوی ہندیہ میں ہے:

"وإذا أضافه إلى الشرط وقع عقيب الشرط اتفاقا مثل أن يقول لامرأته: إن دخلت الدار فأنت طالق۔"

(الفصل الثالث في تعليق الطلاق بكلمة إن وإذا وغيرهما : ج:1،ص:420، ط : دار الفكر)