سوال

 کیا اسلام میں پھانسی کی سزا بھی دی جا سکتی ہے؟

جواب

اسلام میں جو حدود متعین ہیں ان کو اسی طرح نافذ کیا جائے گا جس کو شریعت میں جس طرح بیان کیا گیا ہے، البتہ تعزیرات  کی شریعت میں چوں کہ کوئی تعیین نہیں ہے؛ لہٰذا اگر کوئی حکمران یا سربراہِ ریاست  تعزیر کے طور پر کسی سزا میں کسی کو پھانسی دینا چاہے، یا جرم کی نوعیت کو دیکھتے ہوئے مقنّنہ پھانسی کی سزا تجویز کردے، اور عدالت یہ سزا جاری کردے؛ تاکہ دوسرے لوگوں کو عبرت ہو تو  اس کی اجازت ہوگی، باقی  قصاص و دیات کے احکام  حدودِ شرعیہ میں سے نہیں ہیں، اسی لیے صاحبِ حق کے معاف کرنے سے قصاص معاف ہوجاتاہے، لہٰذا  تعزیر  کے طور پر  پھانسی کو نافذ کیا جاسکتا ہے۔فقط واللہ اعلم