سوال

میں نے ایک ساتھی کے ساتھ مل کر اس طرح کاروبار شروع کیا کہ ہم ایک کمپنی سے ادھار مال خریدتے اور آگے فروخت کردیتے، اپنا سرمایہ ہم دونوں میں سے کسی نے بھی نہیں لگایا تھا، آمدنی میں سے کمپنی کے مال کی رقم واپس کرنے کےبعد جو منافع بچتا ہم آدھا آدھا تقسیم کرلیتے۔ اب میرے شریک کا انتقال ہو گیا ہے تو کیا اب بھی اس کاروبار میں اس کی شراکت باقی ہے؟ اور کیا میرے ذمہ لازم ہے کہ مرحوم سا تھی کے کسی رشتہ دار کو کاروبار میں شریک کروں؟

جواب

صورتِ مسئولہ میں شریک کے انتقال کے بعد اس کے اور سائل کے درمیان شراکت ختم ہوچکی ہے، اور سائل کے لیے مرحوم شریک کے رشتہ دار کو کاروبار میں شریک کرنا شرعاً لازم نہیں ہے، البتہ اگر کسی کو شریک کرنا چاہیں تو نئے معاہدہ کے ساتھ شریک کرسکتے ہیں۔

الفتاوى الهندية (ج:2، ص:335، ط:دار الفكر):

"و تبطل الشركة بموت أحدهما علم به الشريك أو لا."

فقط والله اعلم