سوال

کیا مرد سردیوں میں شلوار کے نیچے چست پاجامہ پہن سکتا ہے اور اس صورت میں اگر تھوڑی مذی کا اخراج ہو تو کیا کرنا چاہیے؟

جواب

صورت مسئولہ میں شلوار کے نیچے چست یا  گرم  پائجامہ  پہننا جائز ہے، البتہ اگر مذی نکلنے کا اندیشہ ہو تو انڈر ویئر میں ٹشو رکھ لیا جائے، اور نمازوں سے قبل ٹشو ہٹا کر استنجاء کرنے کے بعد وضو کرکے نماز ادا کی جائے، تاکہ مذی نکلنے سے پائجامہ کا وہ حصہ نا پاک نہ ہو۔

فتاوی  ہندیہ  میں  ہے:

"منها ما يخرج من السبيلين من البول والغائط والريح الخارجة من الدبر والودي والمذي والمني والدودة والحصاة، الغائط يوجب الوضوء قل أو كثر وكذلك البول والريح الخارجة من الدبر. كذا في المحيط."

(كتاب الطهارة، الباب الأول في الوضوء، الفصل الخامس في نواقض الوضوء، ١ / ٩، ط: دار الفكر) 

فقط واللہ اعلم