اگر کوئی شخص شبِ براء ت کے موقع پر عمدہ ولذیذ کھانا بنانا چاہے تو شرعاًایسا کھا نا تیار کرنا اور کھانا کیسا ہے؟
شبِ براءت یا پندرہ شعبان کے دن میں خاص طور پر کھانے پینے کی اشیاء بنانا اور تقسیم کرنا چوں کہ ثابت نہیں؛ اس لیے اس کا اہتمام اور التزام کرنا (ثواب کا باعث سمجھنا، اور نہ کرنے والوں کو اچھا نہ سمجھنا) بدعت ہے۔ اگر مقصود مرحومین کوایصالِ ثواب کرناہو تو اس کے لیے کسی مہینے یا دن کا انتظارنہیں کرناچاہیے، بلکہ کسی بھی دن جو میسر ہو صدقہ کرکے اس کا ثواب بخش دیاجائے۔
اگر شبِ براءت سے قطع نظر کوئی شخص فقط اپنے گھر میں کھانے کے لیے کوئی مخصوص چیز بنائے تو یہ منع نہیں ہے۔فقط واللہ اعلم
فتوی نمبر : 144108200891
دارالافتاء : جامعہ علوم اسلامیہ علامہ محمد یوسف بنوری ٹاؤن